სექსუალობა

ადამიანის სექსუალობა - ეს არის ადამიანის ბიოლოგიური, ფსიქოფიზიოლოგიური, სულიერი, ემოციური რეაქციებისა და საქციელის ერთობლიობა, რომელიც დაკავშირებულია სქესობრივი ლტოლვის გამოვლენასა და დაკმაყოფილებასთან.

სექსუალობა არის თანდაყოლილი მოთხოვნილება და ფუნქცია ადამიანის ორგანიზმისა, ისევე როგორც სუნთქვის პროცესი და სხვა. ადამიანი იბადება გარკვეული ფიზიოლოგიური სექსუალური პოტენციალით, შემდეგ სექსუალობა ყალიბდება უკვე ინდივიდუალურად გარკვეული ცხოვრებისეული გამოცდილებიდან გამომდინარე.

ჯამში ადამიანის სექსუალობას განსაზღვრავს ბიოლოგიური, ფსიქიკური და სოციოკულტურული ფაქტორების ურთიერთმოქმედება.

გამოყოფენ რამოდენიმე კომპონენტს ადამიანის სექსუალურობისა:
ბიოლოგიური სქესი - ეს არის ისეთი ნიშნების ერთობლიობა, როგორიც არის ქრომოსომები, სასქესო ჰორმონები, სასქესო უჯრებედი, გარე და შიგა სასქესო ორგანოები, მეორადი სასქესო ნიშნები;
გენდერული იდენტობა - გარკვეული სქესისადმი თავის მიკუთვნება, რომელიც შეიძლება არ უდრიდეს ბიოლოგიურ სქესს;
გენდერული სოციალური როლი - ეს არის საქციელი საზოგადოებაში, რომელიც შეესაბამება კულტურულ ნორმებს და განსაზღვრავს ე.წ. “ტიპიურ ქალურ” და “ტიპიურ კაცურ” საქციელს;
სექსუალური ორიენტაცია - ემოციური, რომანტიკული და გრძნობითი ლტოლვა საპირისპირო სქესის მიმართ (ჰეტეროსექსუალური ორიენტაცია), თავის სქესთან ( ჰოპოსექსუალური ორიენტაცია) ან ორივე სქესის მიმართ (ბისექსუალური ორიენტაცია);
სექსუალური იდენტურობა - თავის თავის გაიგივება ადამიანებთან, რომლებიც არიან ამა თუ იმ სექსუალური ორიენტაციის, თავის აღქმა, როგორც გარკვეული სექსუალური ორიენტაციის ადამიანისა.

გადასვლა >>>> ,,სექსუალური ცხოვრება”